श्रम तथा रोजगार कार्यालय विराटनगरका प्रमुख सञ्जेल आफ्नै कर्मचारीबाट कुटिए

काठमडौं । श्रम तथा रोजगार कार्यालय विराटनगरका प्रमुख प्रेमप्रसाद सञ्जेललाई शनिबार कार्यकक्षमा उनकै कर्मचारीले कुटपिट गरेका छन् ।

कार्यालय सहयोगीद्वय नेत्र भट्टराई निरौला र मेनुका सापकोटा कोइरालाले कुटपिट गरेका मोरङ प्रहरीका डीएसपी लोकदर्शन थापाले बताए । दुवै जनालाई प्रहरीले पक्राउ गरेको छ । कार्यकक्षभित्रै टेबुलमाथि राखिएको पेपर वेट, चप्पल, पन्चिङ मेसिनलगायतले प्रहार गरिएको प्रहरीको भनाइ छ ।

सञ्जेलको अनुहारमा चोट लागेको छ । थापाका अनुसार सञ्जेलले आफूहरूलाई काममा धेरै पेलेको, तनाव र दुःख दिने नियत राखेको, बारम्बार गालीगलौज गर्ने गरेका कारण कुटपिट गरेको उनीहरूले बताएका छन् । कान्तिपुरमा खबर छ ।