चितवनमा बाढीले डुबाएको पाँच जनाको शव भेटियो

सफल खबर संवाददाता

बुधबार, ०७ साउन २०७७, १५ : ००
चितवनमा बाढीले डुबाएको पाँच जनाको शव भेटियो

चितवन । चितवनका विभिन्न ठाउँमा बाढीले बगाएर डुबाएको अवस्थामा पाँच जनाको शव भेटिएको छ । भरतपुर महानगरपालिका वडा नम्बर १ ठिमुरामा दुई जनाको शव भेटिएको छ ।

भरतपुर १६ मा एक जनाको शव भेटिएको छ । भरतपुर १ ठिमुरामा भेटिएको दुबैको सनाखत हुन नसकेको चितवन प्रहरीले जनाएको छ । दुईमध्ये एक बालिका र एक अधवैंशे पुरुष हुन् । भरतपुर महानगरपालिका वडा नम्बर १६ बस्ने वर्ष ४० का सानो कान्छा भन्ने कर्णबहादुर सुनारको नारायणी नदी छेउमा शव भेटिएको हो । प्रहरीका अनुसार भेटिएका पाँच शवमध्ये सनाखत भएको उनको मात्र हो । 

भरतपुरको गैँडाचोक नदी किनारमा ५० वर्षीय एक महिलाको शव भेटिएको छ ।  प्रहरी प्रवक्ता सूर्य थापाका अनुसार खैरहनी नगरपालिको बुढी राप्ती खोलामा बगाएर ल्याएको अन्दाजी ५० वर्षका अर्का पुरुषको शव भेटिएको छ । उनले भने, ‘आज भेटिएका पाँच शवमध्ये चार जनाको सनाखत  हुन सकेको छैन ।’

प्रतिक्रिया दिनुहोस