विप्लव समूहका एक कार्यकर्ता पक्राउ

रौतहट । नेत्र विक्रम चन्द ‘विप्लव’ नेतृत्वको प्रतिबन्धित नेकपाका एकजना कार्यकर्तालाई पक्राउ परेका छन् । पक्राउ पर्नेमा चन्द्रपुर–८ बेतौनाका ३५ वर्षीय वीरेन्द्र पाश्वान रहेका छन् । 

रौतहट प्रहरीका डिएसपी हेमबहादुर शाहीका अनुसार गतराति १० बजेर ३० मिनेटमा विशेष सूचनाको आधारमा ईलाका प्रहरी कार्यालय चन्द्रपुरबाट गएको टोलीले पाश्वानलाई उनको घरैबाट पक्राउ गरिएको हो ।

विगतमा चलेको अपराधिक कसुरमा वारदात पश्चात् फरार रहेकाको खोजी गरिने प्रक्रिया अनुसार पाश्वान पक्राउ भै ईलाका प्रहरी कार्यालय चन्द्रपुरको नियन्त्रणमा रहेको र थप नुसन्धान भैरहेको प्रहरीले जनाएको छ ।