नारायणी नदीमा पानीको सतह सतर्कताको बिन्दुभन्दा माथि

चितवन । नारायणी नदीमा पानीको सतह सोमबार सतर्कताको बिन्दुभन्दा माथि पुगेको छ । केही दिनदेखि देशका विभिन्न भागमा भइरहेको अविरल वर्षाको कारण नारायणी नदीमा पानीको बहाव बढेको हो । 

सोमबार मापन भए अनुसार नारायणी नदीमा पानीको सतह ११ दशमलव ४३ मिटर पुगेको छ । नारायणीमा ११ मिटरलाई सतर्कताको बिन्दु मानिएको छ ।

नारायणी नदी सुरु हुने ठाउँ देवघाटमा पनि पानीको सतह सतर्कताको बिन्दुभन्दा माथि पुगेको छ । देवघाटमा पानीको सात दशमलव आठ मिटर पुगेको छ । यहाँ सात दशमलव तीन मिटरलाई सतर्कताको बिन्दु मानिएको छ ।