पोखरीमा डुबेर बालकको मृत्यु

राजविराज । सप्तरीको राजविराज नगरपालिकास्थित फर्सेठमा शुक्रबार साँझ पोखरीमा  डुबेर एक बालकको मृत्यु भएको छ ।  

मृत्यु हुनेमा राजविराज नगरपालिका–११ बस्ने राजेन्द्र साहको ११ वर्षीय छोरा नन्दकिशोर रहेको प्रहरी नायव  उपरीक्षक तिलक भारतीले बताए ।  चार जना केटासँग पोखरीमा नुहाउन गएको बेला नन्दकिशोर डुबेका थिए । 

डुबी अचेत भएका  उनलाई उपचारको लागि गजेन्द्र नारायण सिंह अस्पताल राजविराज ल्याउने क्रममा बाटोमा नै मृत्यु भएको जिल्ला प्रहरी कार्यालयले जनाएको छ  ।