काठमाडौं । प्रधानमन्त्री केपी शर्मा ओलीले आज बस्ने मन्त्रिपषिद बैठकले लकडाउन खुकुलो पार्ने र जनजीवन सामान्य अवस्थामा फर्काउन आज बस्ने मन्त्रिपरिषद बैठकले महत्त्वपूर्ण निर्णय गर्ने बताएका छन् ।
विनियोजित विधेयक २०७७ माथि सांसदहरुले राखेको प्रश्नको मंगलबार प्रतिनिधिसभामा जवाफ दिने क्रममा प्रधानमन्त्री ओलीले कोरोना परीक्षण गर्न निजी क्षेत्रका अस्पताललाई दिने विषयको निर्णय पनि मन्त्रिपरिषद बैठकले गर्ने जानकारी दिए ।
‘लकडाउनकै सरलीकरण गर्ने विषय अथवा जनतालाई सजिलो बनाउने विषयमा, निजी क्षेत्रलाई टेस्टहरु गर्न दिइयोस् भन्ने विषय, विद्यार्थीहरुले, युवाहरुले झेल्नुपरेका समस्यालाई कसरी समाधान गर्छौ र शिक्षा क्षेत्रलाई कसरी सहज बनाउन सकिएला भन्ने विषयमा यसपछि बस्ने मन्त्रिपरिषद बैठकले निर्णय गर्दैछ’ प्रधानमन्त्रीले जवाफ दिने क्रममा भने । उनले थुप्रै कुराहरुलाई समयक्रमअनुसार सहजीकरण गर्ने भन्दै कतिपय पार्टी या विज्ञहरुले दिएको सुझावका आधारमा सरकार अघि बढ्ने बताए । ‘खाली उपचार, क्वारेन्टिन, आइसोलेसन, भ्यान्टिलेटरको मात्र कुरा नभई समाजिक क्षेत्रका विभिन्न पक्षलाई सहज बनाउन सकिने विषयमा ठोस निर्णय गर्नेछ’ प्रधानमन्त्रीको भनाई छ ।
प्रतिक्रिया दिनुहोस
सफल खबर संवाददाता
बुधबार, २८ जेठ २०७७, १२ : ५४
लेखकबाट थप
सम्बन्धित समाचारहरु
कोरोना भाइरसविरुद्धको खोप विसर्जन गरिँदै
नेपालमा कोभिडको नयाँ भेरियन्ट नभित्रिएको स्वास्थ्य मन्त्रालयको भनाइ
भारतको ११ राज्यमा फैलियो कोरोना भाइरसको नयाँ भेरियन्ट
भारतमा भेटियो कोरोनाको नयाँ भेरियन्ट
कोरोना भाइरसविरुद्धको ४० लाख मात्रा डोज खोप खेर जाँदै
इजिप्टमा कोरोना भाइरसको नयाँ भेरियन्ट फेला