एजेन्सी । चीनका राष्ट्रपति शी जिनपिङले सेनालाई युद्धका लागि तयार रहन आदेश दिएका छन् । जिनपिङले मंगलबार सेनाका लागि एक आदेश जारी गर्दै पूरा दृढताका साथ देशको सम्प्रभुताको रक्षा गर्न भनेका छन् ।
पछिल्लो केही समय यता, चीन र भारतबाट तनाव बढदैं गएको बेला राष्ट्रपति जिनपिङको यो भनाई आएको हो । जिनपिङले युद्धका लागि तयार रहन भनेको आदेश संसद सत्रको क्रममा पिपल्स लिबरेशन आर्मी र पिपल्स आर्म्ड पुलिस फोर्सको प्रतिनिधिको पूर्ण बैठकमा भाग लिने बेला दिएका हुन् ।
चिनियाँ कम्युनिष्ट पार्टी (सिपिसी) का महासचिव तथा करिब २० लाख सैनिकका सेना प्रमुख जिनपिङले सीमामा तनाव बढिरहेकाले खराब स्थिती आए त्यसका लागि तयार रहनु आदेश दिएका हुन् ।
जिनपिङको भनाई उद्धृत गर्दै समाचार एजेन्सी सिन्ह्वाले भनेको छ, ‘सेनाले सबैभन्दा खराब स्थितीको कल्पना गरेर, त्यसबारे सोचेर युद्धका लागि आफ्नो तयारी र प्रशिक्षणलाई बढाउनुपर्छ र विभिन्न जटिल परिस्थितीसँग तुरुन्त र प्रभावकारी तरिकाले जुध्नुपर्छ । साथै, पूरा दृढताका साथ राष्ट्रिय सम्प्रभुता, सुरक्षा र विकास सम्बन्धि हितको रक्षा गर्नुपर्छ ।’
प्रतिक्रिया दिनुहोस
एजेन्सी
बुधबार, १४ जेठ २०७७, १० : ५९
लेखकबाट थप
सम्बन्धित समाचारहरु
नेपाल र चीनको सीमा कोरला क्षेत्रमा प्रहरीको संयुक्त गस्ती
नेपाल–चीन सहायता परियोजनाको पहिलो बैठक सम्पन्न
चीनमा भारी वर्षासँगै आँधीबेहरी आउने अनुमान, मौसम विज्ञान केन्द्रले भन्यो– सावधानी अपनाउनू
देव गुरुङको नेतृत्वमा माओवादीको टोली चीन भ्रमणमा
चीनले श्रीलङ्कालाई दिने सहयोग जारी राख्ने
सीमा क्षेत्रमा तनाब कम गर्न भारत-चीन सहमत