कोरोनाबाट मृत्यु भएका २ जनामा फरक–फरक लक्षण देखियो

काठमाडौं । नेपालमा कोरोनाभाइरबाट मृत्यु भएका २ जनामा फरक फरक लक्षण देखिएको छ।  धुलीखेल अस्पतालमा बिहीबार मृत्यु भएकी २९ वर्षीया महिलामा सुख्खा खोकी, श्वासप्रश्वासमा समस्याका साथै निमोनिया देखिएको थियो । 

आइतबार बाँकेको नरैनापुरको क्वारेन्टाइनमा मृत्यु भएका २५ वर्षीय युवकलाई करिब दुई घण्टासम्म बान्ता भएको थियो । 

इपिडिमियोलोजी तथा रोग नियन्त्रण महाशाखाका निर्देशक डा बासुदेव पाण्डेका अनुसार पहिलाको एक्सरे प्रतिवेदनमा दुवै फोक्सोमा निमोनिया देखिएको थियो  । युवकको थप रिपोर्ट आउन बाँकी छ । कान्तिपुर दैनिकमा खबर छ ।