भारतमा एकै दिन करिब ४ हजार कोरोनाका नयाँ संक्रमित थपिए, २४ घंटामा १ सय ९५ को मृत्यु

एजेन्सी । विश्वव्यापी रुपमा महामारीको रुपमा फैलिएको कोरोना भाईरस पछिल्लो समय छिमेकी मुलुक भारतमा पनि ह्वात्तै बढ्न थालेको छ । कोरोना भाइरसबाट अहिले सम्म संक्रमित हुनेको संख्या ४६ हजार भन्दा बढी पुगेको छ।

भारतिय संचार माध्यमका अनुसार पछिल्लो २४ घण्टामा करिब ४ हजार व्यक्तिमा संक्रमण पुष्टि भएको छ । १ सय ९५ जनाको निधन भएको छ । भारतमा कुल संक्रमितको संख्या ३२ हजार १ सय ३८ छ भने  अहिलेसम्म १२ हजार ७ सय २७ जनामा कोरोना भाइरसको संक्रमणबाट निको भएर घर फर्केका छन् । 

कोरोनाको संक्रमणबाट अहिले कुल सम्म १ हजार ५ सय ६८ जनाको मृत्यु भएको संचारमाध्यमले उल्लेख गरेका छन् । संक्रमण फैलिन नदिनका लागि भारतमा मे १७ सम्मका लागि लकडाउन लागु गरिएको छ। कोरोना रोकथामका लागि विभिन्न सतर्कता अपनाईएपनि संक्रमणको दर घटन सकेको छैन् ।