यस्तो तयारीमा प्रचण्ड र माधव नेपाल समूह, ओली समूह आफ्नै रणनीतिमा

काठमाडौं । पार्टी र सरकारलाई समझदारीमा सञ्चालन गर्ने सचिवालयको पछिल्लो निर्णयसँगै नेकपामा ‘एक व्यक्तिः एक मुख्य जिम्मेवारी’को नीति कार्यान्वयनको माग मुखर बनेको छ । 

यो मुद्दालाई स्थायी समितिबाट पारित गराउने अध्यक्ष पुष्पकमल दाहाल प्रचण्ड र वरिष्ठ नेता माधवकुमार नेपाल समूहको तयारी छ ।

प्रधानमन्त्री एवं पार्टी अध्यक्ष केपी शर्मा ओलीनिकट समूहले भने प्राप्त जिम्मेवारी तलमाथि गर्न खोजे समस्या आउने बताएको छ । योसँगै ‘एक व्यक्तिः एक मुख्य जिम्मेवारी’  मुद्दा स्थायी समितिमा मुख्य बहस हुने सम्भावना देखाएको छ ।

पार्टी एकतापछि वरिष्ठ नेता माधवकुमार नेपाल समूहले यो विषय निरन्तर उठाउँदै आएको छ । नयाँ पत्रिकामा खबर छ ।