CG Landmark

विप्लव समूहका केन्द्रीय सदस्य पक्राउ

विहीबार, १८ बैशाख २०७७, १८ : १५
विप्लव समूहका केन्द्रीय सदस्य पक्राउ

सुर्खेत । प्रहरीले नेत्रविक्रम चन्द 'विप्लव' समूहका केन्द्रीय सदस्य बालाराम सुनारलाई पक्राउ गरेको छ । जिल्ला प्रहरी कार्यालयबाट खटिएको टोलीले सुनारलाई आज घरबाटै पक्राउ गरेको हो । 

जिल्ला प्रहरी कार्यालयका प्रहरी निरीक्षक गोपाल रायमाझीले लकडाउनमा घरमा आएर लुकीछिपी बसेको सूचना पाएपछि वीरेन्द्रनगर–४ स्थित घरबाट सुनारलाई पक्राउ गरिएको जानकारी दिनुभयो ।

Yeti Diistillery Tansen Cement box

प्रहरीका अनुसार सुनारमाथि दुई महिना अघि पश्चिम सुर्खेतमा प्रहरीसँग आक्रमण तथा जबरजस्ती चन्दा असुलीमा संलग्न रहेको लगायतका आरोप छन् । सुनार सो समूहका पूर्वजिल्ला इञ्चार्जसमेत रहेको बताइएको छ ।  (रासस) 

प्रतिक्रिया दिनुहोस