Safal Khabar - बाह्य आवागमन रोकौँ, उत्पादन र निर्माणलाई सञ्चालन गरौँ : मुख्यमन्त्री पौडेल
शनिबार, ३१ साउन २०७७ (Saturday, 15 August, 2020)
विस्तृतमा हेर्नुहोस् »
बाह्य आवागमन रोकौँ, उत्पादन र निर्माणलाई सञ्चालन गरौँ : मुख्यमन्त्री पौडेल
शनिबार, १३ बैशाख २०७७, २१ : ००
बाह्य आवागमन रोकौँ, उत्पादन र निर्माणलाई सञ्चालन गरौँ : मुख्यमन्त्री पौडेल
फाईल फोटो

काठमाडौँ । वाग्मती प्रदेशका मुख्यमन्त्री डोरमणि पौडेलले बाह्य आवागमन रोकेर उत्पादन र निर्माण सञ्चालन गर्नुपर्ने बताउनुभएको छ । आज एक सन्देश जारी गर्दै मुख्यमन्त्री पौडेलले ‘लकडाउन’लाई परिमार्जन गर्नुपर्ने उल्लेख गर्नुभयो । “बाह्य आवागमन रोकौँ, उत्पादन र निर्माणलाई सञ्चालन गरौँ”, मुख्यमन्त्री पौडेलद्वारा जारी सन्देशमा भनिएको छ । 

देशमा कोरोना भाइरसले माहामारीको रुप लिन नसक्नुको मुख्य कारण लकडाउन नै भएको भन्दै मुख्यमन्त्री पौडेलले कोरोना भाइरसको महामारीबाट जोगिन लकडाउनको विकल्प भने नभएको उल्लेख गर्नुभएको छ । “तर लकडाउनलाई परिमार्जन गर्न भने आवश्यक देखिन्छ, खेतीपातीको मौसम भएकाले खनजोत, मलखाद्यको ओसारपसार, बालीनाली लगाउने, थन्काउनेलगायत कृषिकार्यका लागि उचित व्यवस्था गर्नुपर्ने हुन्छ, त्यस्तै विकास निर्माणका हिसाबलेसमेत यो मौसमलाई महत्वपूर्ण मानिने हुँदा सम्बन्धित कार्य स्थललाई नै क्वारेन्टाइन मानेर मजदूर थपघट नगर्ने गरी विकास निर्माणको कामलाई निरन्तरता दिनु उचित हुन्छ”, सन्देशमा भनिएको छ । 

यसैगरी निश्चित सीमा सिल गरेर आन्तरिक क्रियाकलाप सञ्चालन गर्दा जनजीवन सरल हुनुका साथै रोकिएको आर्थिक क्रियाकलाप सञ्चालन हुनसक्छ । त्यसैले कुनै पनि जिल्ला, स्थानीय तह वा उपत्यकाका नाका बन्द गरेर बाह्य आवागमन रोक्दै र भित्रका आर्थिक क्रियाकलाप सञ्चालन गर्दै ‘आवागमन रोकौँ, उत्पादन र निर्माण सञ्चालन गरौँ’ भन्ने अवधारणाका साथ अगाडि बढ्नु नै आजको आवश्यकता रहेको सन्देशमा उल्लेख छ ।

Yeti Diistillery
Tansen Cement box

“यद्यपि, लकडाउन खुकुलो बनेको वा पूरै हटेको अवस्थामा पनि  हामीले सावधानी भने अपनाउन आवश्यक छ, सङ्क्रमण फैलन मद्दत पु¥याउने खालका हाम्रा दैनिकी, आनीबानी तथा विज्ञले सुझाएकोभन्दा बाहेकका क्रियाकलाप भने पूर्णरुपमा रोकेर आफू र आफ्नालाई महामारीबाट जोगाउन भूमिका निर्वाह गर्नु हरेक नागरिकको कर्तव्य हुने कुरामा दुई मत छैन”, मुख्यमन्त्री पौडेलद्वारा जारी सन्देशमा उल्लेख छ । 

प्रतिक्रिया दिनुहोस