मन्त्रिपरिषद् बैठक सकिएलगत्तै पूर्वमाओवादी खेमाका मन्त्रीहरुको बेग्लै बैठक

सोमबार, ०८ बैशाख २०७७, १६ : ४४

काठमाडौं । मन्त्रिपरिषद् बैठक सकिएलगत्तै सरकारमा रहेका पूर्वमाओवादी खेमाका मन्त्रीहरुको बेग्लै बैठक बसेको छ । 

आज सोमबार प्रधानमन्त्री निवास बालुवाटारमा बसेको मन्त्रिपरिषद् बैठकमा राजनीतिक दलसम्बन्धी कानून संशोधनका लागि अध्यादेश ल्याइएको थियो । वर्तमान कानुनअनुसार राजनीतिक दल विभाजन गर्न संसदीय दल र केन्द्रीय समिति दुवैमा ४० प्रतिशत पुर्याउनुपर्ने व्यवस्था छ । तर अव संशोधन गरेर केन्द्रीय समिति वा संसदीय दलमध्ये एकमा ४० प्रतिशत भए पुग्नेगरी प्रस्तावमाथि छलफल भएको हो । 

त्यसैले मन्त्रिपरिषद् बैठकपश्चात पूर्वमाओवादी खेमाका मन्त्रीहरुको बेग्लै बैठक बसेको बताइएको छ । उक्त बैठकपछि उर्जामन्त्री वर्षमान पुन अध्यक्ष प्रचण्डलाई भेट्न खुमलटारतर्फ लागेका छन् ।