भरतपुर अस्पतालमा एक किशोरीको ज्वरोको कारण मृत्यु

चितवन । गैंडाकोट ४ मा बस्ने एक किशोरीको मृत्यु भएको छ । जुम्ला घर भएकी कावासोती बसेर पढ्दै गरेकी किशोरी लकडाउनपछि गैंडाकोट कालिगण्डकी चोक नजिकै  दाजुको कोठामा बस्दै आएकी थिईन् ।

उनमा दुई दिन पहिले उच्च ज्वरो देखिएपछि भरतपुर अस्पतालको आईसियुमा राखिएको थियो । गैंडाकोट ४ का वडा अध्यक्ष कृष्ण न्यौपानेले ज्वरो आएपछि कोरोना अस्पतालमा लगिएको र त्यहाँ कोरोना नभएको भनेपछि सरकारी अस्पतालमा भर्ना गरिएको आफूलाई जानकारी आएको बताउनु भयो । 

बिहाना आफूले बिरामीको दाजुलाई फोन गर्दा बहिनीको मृत्यु भएको भनेर जानकारी दिएको न्यौपाने बताउनु हुन्छ । उनको मृत्यु भएपछि स्वाब परीक्षणका लागि पठाइएको आफूले जानकारी पाएको न्यौपानेले बताए ।