स्वास्थ्य मन्त्रालयले स्पष्टिकरण सोधेका टेकु अस्पतालका डा. शेरबहादुर पुन आज जवाफ बोकेर मन्त्रालय जादैं

काठमाडौं । काठमाडौंको टेकुस्थित शुक्रराज ट्रपिकल तथा सरुवा रोग अस्पतालमा १८ वर्षदेखि करारमा सेवा गरिरहेका डाक्टर शेरबहादुर पुनलाई सरकारले ‘स्पष्टीकरण मागेर पत्र पठाइपछि उनले त्यसको जवाफ आज दिने तयारी गरेका छन् । सरुवारोग विशेषज्ञ तथा क्लिनिकल रिसर्च युनिट संयोजक पुनले सञ्चारमाध्यममा कोभिडबारे लेखेको र बोलेको विषयमा मन्त्रालयले सोधपुछ गर्ने तयारी गर्दै स्पष्टिकरण सोधेको हो ।

उनलाई मन्त्रालयले फोन गर्दा फोन नउठाएको, अनावश्यक रुपमा सञ्चारमाध्यमहरुमा भने बोल्दै र लेख्दै हिडेको भनी मन्त्रालयले स्पष्टिकरण सोधेको छ । शुक्रबार पत्र पाएपछि उनी हिजो   शनिबार भएकोले त्यसको जवाफ दिनका लागि आज मन्त्रालय जाने तयारीमा छन् ।

‘हो म आज मन्त्रालयमा गएर आफना कुरा राख्ने तयारीमा छु, उहाहरुले सोधको सवै जवाफ दिन जानेछु,’ डाक्टर पुनले भने ।

उनी यस्ता डाक्टर हुन्, जसले कोरोनाका विषयमा राम्रो दख्खल राख्छन् । स्वास्थ्यकर्मीहरुको मनोबल उच्च बनाउनु पर्ने बेलामा सरकारले डाक्टर पुनमाथी स्पष्टिकरण सोधेपछि उनीमाथी सरकार पूर्वाग्रही भएर लागेको अनुभव टेकु अस्पतालका चिकित्सकहरुले गरेका छन् । सामाजिक सन्जालहरुमा पनि सरकारले पुनलाई स्पष्टिकरण सोधेको समाचार सार्वजनिक भएसँगै सरकारको निक्कै ठूलो आलोचना भईरहेको छ ।

गत बुधबार र बिहीबार टेकु अस्पतालका अधिकांश मेडिकल अफिसर आइसियूबारे तालिम लिन ह्याम्स अस्पताल गएका थिए । लगातार दुई दिन अस्पतालको ओपिडी डा. पुनले धानेका थिए । त्यही वेला स्वास्थ्य मन्त्रालयमा भने डाक्टर पुनलाई त्यहावाट कसरी हटाउने र मन्त्रालयमा तान्ने भन्नेमा छलफल चल्यो । उनी पिपिई लगाएर टेकुमा विरामीको उपचारमा खटिरहेका थिए । त्यस्तो वबेला उनले फोन उठाउन सम्भव थिएन । त्यही बेला मन्त्रालयले उनलाई तारन्तार फोन गरेर मन्त्रालयमा स्पष्टिकरणका लागि बोलाउन चाहेको थियो । तर उनले फोन उठाएनन । विरामीको उपचारमा संग्लन्न रहीरहेकै बेला त्यसमा पनि फुल पिपिई लगाएर उपचारमा खिटएका बेला फोन उठाउन सम्भव पनि थिएन । अहिले स्वास्थ्य मन्त्रालयले यसैलाई आधार बनाएर पुनमाथी स्पष्टिकरण सोधेको छ । मन्त्रालयमा  बोलाएको छ ।

‘मैले बोलेको विषयले देशमा केही भवितव्य परेको थिएन । फेरि रातिराति मन्त्रालय जाने कुरा भएन, शुक्रबार केही बिरामी हेरेर मन्त्रालय जाने सोच बनाएको थिएँ,’तर उपचारमा संग्लन्न भएकोले सम्भव भएन । त्यसपछि मलाई लिखित नै स्पष्टीकरण सोध्ने भनेर पत्र तयार पार्नुभएछ । मलाई त्यसरी हतोत्साही गराउन उहाँहरूले किन आवश्यक ठान्नुभयो, मैले बुझेको छैन । अन्योलमा छु,’ उनले सफलखबरसँग भने, –‘आज आइतबार मन्त्रालय जान्छु, आफना कुरा राख्छु ।’

कोरोनाको महामारीसँग जुध्दै गर्दा स्वास्थ्य मन्त्रालयले किन पुनमाथी स्पष्टिकरण सोध्यो ? अहिले यस वारेमा न पुनलाई नै राम्रासँग जानकारी छ, न अन्यलाई नै । तर जानकारहरु भन्छन्, स्वास्थ्य खरिद प्रकरणमा भएको आर्थिक घोटला देखि , ओम्नीले खरिद गरी ल्याएका स्वास्थ्य सामाग्रीको विश्वसनियता सम्मका विषयमा निरन्तर डा पुनले खबरदारी गदै आएका थिए । आफनो बदमासीको ढाकछोपका लागि डाक्टरकै मुख  थुन्ने योजनामा सरकार लागिपरेकोले पुनमाथी स्पष्टिकरण सोधेको हुनसक्ने जानकार चिकित्सकहरुले अनुमान लगाएका छन् ।