काठमाडौँ । भारतमा उच्च दरले कोरोना भाइरस फैलदै गर्दा नेपालमा त्यसको चाप पछिल्लो समय ह्वात्तै बढेको छ । शुक्रबार सार्वजनिक भएको कोरोना भाइरस संक्रमणको तथ्यले यसको सहजै पुष्टि गर्छ । शुक्रबार बिहानसम्म १६ जना संक्रमित रहेको नेपालमा साँझ एक्कासी थपिएको १४ जना संक्रमितका कारण संख्या दोब्बर हुन पुग्यो । यसले नेपालका अस्पताल र आइसोलेसनमा भारतीय नागरिकको चाप बढाएको छ । यसरी भारतीय संक्रमितको चाप नेपालमा बढ्दै जाँदा भोली नेपाली नागरिकमा संक्रमण भएमा तिनको उपचार समेत प्रभावित हुने देखिएको छ ।
स्रोत,साधन र अर्थमा त्यसैपनि कमजोर रहेको नेपालले तत्काल सीमाक्षेत्रमा कडाइ गर्ने सबैथरी उपाय नअपनाउने हो भने नेपाल भारतीय नागरिकको उपचार गर्ने थलो नबन्ला भन्न सकिन्न ।
पूर्वि नेपालको उदयपुर स्थित एक मस्जिदमा लुकेर बसेका १६ जनामध्ये १२ लाई संक्रमणकोृ पुष्टि भएको हो । त्यस्तै चितवनका दुइजनामा पनि कोरोना संक्रमणको पुष्टि भयो । उनीहरु यतिबेला विराटनगरको कोरोना विषेष अस्पतालमा उपचाररत छन् । बाँकी ४ ना क्वारेन्टाइनमा छन् । जसमध्ये मात्र १ जना नेपाली नागरिक छन् । अन्य ११ जना भारतीय नागरिक छन् ।
लुकिछिपी खुला नाकाबाट नेपाल छिरेका उनीहरु कोरोनाको संक्रमणबाट बच्नकै लागि नेपाल भित्रिएको आशंका गरिएको छ । कोरोना देखिएका सबै पुरुष छन् । ति मध्ये ४ जना २८ बर्षका छन् । २ जना २९ र अन्य ३४ देखि ३० बर्ष उमेरका रहेको स्वास्थ्य मन्त्रालयले जनाएको छ । चितवनका देखिएको दुई कोरोना संक्रमित पनि नेपालमा बसिरहेका नभई विदेशबाट आएका आमा छोरा रहेका छन् ।
स्वास्थ्य मन्त्रालयले जारी गरेको वक्तव्यमा पनि भारतीय सीमानाकाबाट अत्यधिक मानिस आइरहेको उल्लेख छ । उदयपुरको पछिल्लो घटनापछि सुदुरपश्चिममा ठूलो संख्यामा भारतबाट नेपाली र भारतीय प्रवेश गरिसकेको छ । जसले संक्रमण बढाएको खण्डमा त्यसक्षेत्रका तत्काल माहामारी फैलनेसक्ने सम्भावना उच्च छ । जसको नियन्त्रणका लागि ३४ चिकित्सक र स्वास्थ्यकर्मीको जम्बो टोली नै त्यसतर्फ पठाउन सरकार वाध्य बन्यो ।
सरकारले पछिल्लो समय लकडाउन कायम राखेर कोरोना भाइरसको केस म्यानेजमेन्छ, कन्ट्याक्ट ट्रेसिङ, पहिचान र सूचना सार्वजनिकको एकद्वार नीति अपनाएको छ । सीमा क्षेत्रमा २२ हजार शसस्त्र प्रहरी परिचालन पनि गरेको छ । तथापी लुकिछिपी नेपाल प्रवेश गर्नेको संख्या घटेको छैन् । जसका कारण यहाँका स्थानीयमा कोरोना संक्रमण एकजनामात्र रहेको अवस्थालाई वृद्धि गर्न बढावा दिइरहेको छ । धनगढीको एक महिलामा सरेको कोरोना नेपालको दोस्रो चरण प्रवेशको एकमात्र सूचक हो ।
मन्त्रालयका अनुसार हालसम्म पिसिआरमार्फत ७ हजार ६८८ र आरडिटि मार्फत १६ हजार ५६५ जनाको परिक्षण भएको छ । विदेशमा काम गर्न गएकाहरु फर्किआएपछि घरमै बसेका तथा भारतबाट फर्केकामध्येबाटै हालसम्म संक्रमण बढि पाइएको प्रवक्ता डा.विकास देवकोटा बताउछन् । उनका अनुसार उपत्यकामा ५ र बाहिर ८५ गरी ९० जना आइसोलेसनमा रहेमा छन् । काठमाडौँ सहित देशका १४ स्थानमा पिसिआर परिक्षण चलिरहेको छ । र्यापिड टेस्ट भने ७४ जिल्लामा सञ्चालित छ ।
यसरी धमाधम परिक्षणको रिपोर्ट आउँदा देशभित्र रहेका भन्दा बाहिरबाट आएकाले कोरोना संक्रमण देश भित्र्याउँदै अन्यमा सार्ने जोखिम बढाएको देखिन्छ ।
बढिजसो बिहार, उत्तराखण्डबाट नेपालमा सोझै भित्रने अनगिन्ति चोरबाटो छन् । जसको हेक्का सीमा नाकामा रहेका शसस्त्र प्रहरीलाई छैन् । भारतमा एकैदिन हिजोमात्र एकै दिन ४३ जनाको मृत्यु भएको छ । यस घटनासँगै त्यहाँ कोरोनाबाट मरिन्छ भन्ने त्रास बढेको छ । जसका कारण त्यसबाट बच्न सहज रुपमा नेपाल भित्रने उपाय त्यहाँका बासिन्दाले अपनाइरहेका छन् । नातागोता इष्टमित्र भएकाहरु तिनकै घरमा र नभएकाहरु मन्दिर, मस्जिद जस्ता स्थानमा लुकिछिपी बस्न थालेका पाइन्छन् ।
भारत सरकारले सीमा क्षेत्रका स्थानका आफ्ना नागरिकको स्वास्थ्य सुरक्षाको प्रत्याभूति दिन नसक्दा पनि यो चाप नेपालले खेप्नु परेको विश्लेषक बताउँछन् ।
लकडाउनमा जहाँ छन् त्यहीको सरकारले रेखदेख गर्ने विश्वस्वास्थ्य संगठनको मापदण्ड नेपाल भारत सीमानामा खुल्ला रुपले उल्लंघन भैरहेको छ । फेला पारिएका केही नागरिकलाई क्वारेन्टाइनमा राखेर हेरचाह गरिएको भएपनि लुकेर आउनेले ल्याएको संक्रमणको मार नेपालभित्र रहेका बासिन्दामा पर्ने खतरा बढेको छ । यो क्रम रोक्न नेपालले अब साम, दाम , दण्ड, भेदको नीति अपनाउन आवश्यक रहेको विश्लेषक उल्लेख गर्छन् । जस अनुसार सीमा नाकाका सम्भावित चोरबाटोमा सुरक्षाकर्मी र हेल्थ डेस्क स्थापना गर्न जरुरी भएको छ । साथै कूटनीतिको उच्चतम प्रयोग गरी नेपालमा संक्रमण भित्रन नसक्नेतर्फ भारतलाई सचेत गराउनुपर्ने देखिन्छ । यसका लागि नेपालले तत्काल यसबारेमा अवगत गराउदै भारतलाई कूटनीतिक पत्र लेखेर सावधान गराउँदै आफ्ना नागरिकको स्वास्थ्यको ख्याल राख्न अपिल गर्नुपर्ने देखिन्छ । नत्र मौखिक रुपमा भएका कुराकानीले हुन्छ र गर्छौ भन्ने मौखिम सहमतिले कोरोना संक्रमण भारतबाट नेपालमा ह्वात्तै पसेर विनास गर्न सक्छ ।
भारतमा हालसम्म १४ हजार ४२४ जना संक्रमित भएका छन् । जसमध्ये ४८८ जनाको मृत्यु भैसकेको छ । विगत २४ घण्टामा ७५ वटा नयाँ संक्रमित भेटिएका छन् ।
विश्वमा भने यतिबेला २१३ देशमा २२ लाख ५१ ह्जार ७६८ कोरोना संक्रमित छन् । जसमध्ये १ लाख ५४ हजार २९५ को ज्यान गएको छ । चीनको बुहानबाट सुरु भएको कोरोना भाइरसको संक्रमणको फैलावटसँगै यसको संक्रमणको दर विश्वका हरेक देशमा बढ्दो रहेको छ । कोरोना भाइरसको सातौ प्रजातिका रुपमा विकसित कोभिड–१९ नाम दिइएको यस भाइरसको रोकथामका लागि पत्यारियो उपचार पद्दती र औषधी तथा खोप प्रामाणिक रुपमा आउन सकेको छैन् । वन्यजन्तु तथा समुद्री माछाबाट सरेको अनुमान गरिएको छ । तर कुनबाट भन्ने प्रष्ट भैन ।
प्रतिक्रिया दिनुहोस
सफल खबर संवाददाता
शनिबार, ०६ बैशाख २०७७, १४ : २३
लेखकबाट थप
सम्बन्धित समाचारहरु
हावाबाट कोरोना फैलिएको विश्व स्वास्थ्य संगठनको स्विकारोक्ति
कोरोना भाइरसविरुद्धको खोप विसर्जन गरिँदै
नेपालमा कोभिडको नयाँ भेरियन्ट नभित्रिएको स्वास्थ्य मन्त्रालयको भनाइ
भारतको ११ राज्यमा फैलियो कोरोना भाइरसको नयाँ भेरियन्ट
भारतमा भेटियो कोरोनाको नयाँ भेरियन्ट
कोरोना भाइरसविरुद्धको ४० लाख मात्रा डोज खोप खेर जाँदै