भारतमा बिहिबार एकैदिन ३० को मृत्यु, ५ सय बढी संक्रमित

काठमाडौँ । कोरानो भाइरसले विश्वव्यापी रुपमा महामारीको रुप लिईरहदा पछिल्लो समय यसको संक्रमण तथा मृत्युदर छिमकी देश भारतमा पनि तिब्र रुपमा फैलिदैं गएको छ ।

 भारतमा कोरोना भाइरसका कारण बिहीबार मात्रै ३० जनाको मृत्यु भएको छ । यो सँगै भारतमा कोरोना भाइरसका कारण मृत्यु हुनेको संख्या १ सय ९९ पुगेको भारतीय संचारमाध्यमहरुले उल्लेख गरेका छन् । 

यस्तै बिहिबार मात्रै ५ सय ४७ जना नयाँ संक्रमित फेला परेका छन् । भारतको स्वास्थ्य मन्त्रालयका अनुसार बिहीबार राति मात्रै ३० जनाको मृत्यु भएको हो भने ५ सय ४७ नयाँ संक्रमित फेला परेका हुन् ।

भारतभर संक्रमितको संख्या ६ हजार ४ सय १२ पुगेको छ । करिव ५ सय जना उपचार पछि निको भएका छन् । भारतमा कोरोनाका सबैभन्दा धेरै संक्रमित महाराष्ट्र, तमिलनाडु र दिल्लीमा पाइएका छन् । सबैभन्दा धेरै मृत्यु महाराष्ट्रमा ९७ जना मानिसको मृत्यु भएको छ ।

यसको संक्रमण रोक्न भारतका केन्द्र देखि प्रान्तिय सरकारले सम्मले विभिन्न प्रयास जारी राखेको छ । २१ दिन देखि जारी लकडाउन आव्हान गरिएपछि सर्वसाधारण घरमै बस्न भएपनि यसको संक्रमण फैलिदै गएको छ ।

राजधानी दिल्ली घर बाहिर निस्कदा मास्क अनिवार्य गरिएको छ छ भने उत्तर प्रदेशका विभिन्न कतिपय जिल्लालाई लकडाउन भन्दा पनि कडा गर्दै सिल नै गरिएको छ ।