काठमाडौं । विश्वव्यापी महामारीको रुप लिएको कोरोना भाइरसको संक्रमणबाट भारतमा एक चिकित्सकको मृत्यु भएको छ । भारतिय संचारमाध्यमका अनुसार भारतको मध्य प्रदेश प्रान्तमामा कोरोना भाइरस (कोभिड–१९) को संक्रमणबाट ६२ वर्षीय डाक्टर शत्रुघ्न पञ्जवानीको मृत्यु भएको हो ।
यो घटनाबारे प्रदेशका मुख्यमन्त्री शिवराज चौहानले सामाजिक सञ्जालमार्फत कोभिड–१९ विरुद्ध लड्दै बलिदान दिने डाक्टरको आत्माको शान्तिको कामना गरेका छन् । भाइरसको संक्रमण पुष्टि भएपछि उनको उपचार चलिरहेको थियो । तर, उनको अवस्था भने गम्भीर बनेको थियो ।
बिहीबार बिहान उनको मृत्यु भएको हो । मध्यप्रदेशमा कोरोनाको कारण पहिलोपटक डाक्टरको मृत्यु भएको हो । यद्यपि धेरै डाक्टरमा कोरोना भाइरसको संक्रमण पुष्टि भएको छ । डाक्टरको मृत्युको समाचारसँगै प्रशासनले स्वास्थ्यकर्मीलाई विशेष सावधानी अपनाउन सुझाव दिएको छ । कोरोना भाइरसको उपचार गराइरहेका धेरै डाक्टर अहिले आफ्नो परिवारलाई संक्रमण हुने आशंकाले घर जान सकिरहेका छैनन् ।
पछिल्लो समय नयाँ संक्रमितको संख्या बढेसँगै मध्यप्रदेशको धेरै स्थानलाई पूर्ण रुपमा बन्द गरिएको छ । प्रदेश सरकारले लकडाउन खुलेपछि पनि प्रदेशको सपिङ मल, धार्मिक स्थल र स्कुल कलेज एक महिना बन्द गर्न सक्ने बताइएको छ ।
भारतमा पछिल्लो केही दिनयता कोरोना भाइरसका संक्रमितको संख्यामा उल्लेख्य वृद्धि भएको छ । भारत सरकारले यसको संक्रमण रोकथामका लागि विभिन्न प्रयास गरेपछि दिन प्रति दिन संक्रमण बढदै गईरहेको छ ।
प्रतिक्रिया दिनुहोस
सम्बन्धित समाचारहरु
भारतमा चौथो चरणको मतदान आज
डेढ वर्षपछि चीनले भारतमा नयाँ राजदूत पठाउँदै
भारतमा तेस्रो चरणको निर्वाचन आज, मोदीले गरे मतदान
भारतमा लोकसभा निर्वाचन अवलोकन गर्न आए २३ देशका प्रतिनिधि
भारतका प्रधानन्यायाधीश धनञ्जय चन्द्राच्युडले गरे पशुपतिनाथको दर्शन
भारतीय लोक सभा निर्वाचन सुरक्षाबारे नेपाल र भारतका अधिकारीहरूबीच छलफल