एजेन्सी । कोरोना भाइरसबाट सबैभन्दा बढी प्रभावित दुई युरोपली देश इटाली र स्पेनमा संक्रमितको संख्या क्रमशः घट्न थालेको छ ।
विगत केही दिनयता कोभिड १९ संक्रमितको संख्यामा कमी आएपछि त्यहाँ लकडाउनले काम गरेको ठानिएको छ । स्पेनमा लगातार चौथो दिन मृतकको संख्यामा कमी आएको छ ।
कोभिड १९ का कारण स्पेनमा सोमबार ६३७ जनाले ज्यान गुमाए । योसँगै मृतकको संख्या १३ हजार नाघिसकेको छ । गत बिहीबार स्पेनमा ९५० जनाको मृत्यु भएको थियो । एजेन्सीलाई उदृत गर्दै कान्तिपुर दैनिक लेख्छ–स्पेनमा संक्रमितको संख्या १ लाख ३५ हजार बढी पुगेको छ । जुन अमेरिकापछि कै बढी हो ।
त्यसैगरी इटालीमा पनि पछिल्लो केही दिनयता मृतक तथा संक्रमितको संख्यामा कमी देखिएको छ । शनिबार इटालीमा ६८१ जनाले ज्यान गुमाएका थिए । जुन मार्च २३ यताकै सबैभन्दा कम हो । इटालीमा हालसम्म कोरोनाबाट १५ हजार ५ सय बढीले ज्यान गुमाइसकेका छन् ।
प्रतिक्रिया दिनुहोस
सम्बन्धित समाचारहरु
इटालीकी प्रधानमन्त्रीले गरिन् आफ्नो पार्टनरबाट अलग भएको घोषणा
इटालीमा प्रधानमन्त्री प्रचण्डको सम्बोधन - नेपालमा ‘विद्यालय खाजा कार्यक्रम’ प्रभावकारी