काठमाडौं । कोरोना भाइरसको त्रासले काठमाडौंबाट ७ लाख भन्दा बढी सर्वसाधारण बाहिरिएका छन् । सरकारले कोरोना भाइरस संक्रमणको जोखिम घटाउन सोमबारदेखि लामोदूरीका सवारी साधन नचल्ने घोषणा गरेपछि शनिबारसम्म ७ लाख भन्दा बढीले उपत्यका छोडेका छन्।
प्रहरीको तथ्यांक अनुसार चैत १ गतेदेखि शनिबारसम्म झण्डै ७ लाख मानिसले काठमाडौँ छोडेका हुन्। चैत १ गते ७१ हजार ५ सय ५६ जनाले काठमाडौँ छोडेका छन्। २ गते ८६ हजार ३२७ जना, ३ गते ८८ हजार २ सय १ जना, ४ गते ९१ हजार ८१६ जना, ५ गते ९५ हजार २४७, ६ गते १ लाख ८ हजार ४५८ जना र ७ गते १ लाख ३० हजार ८२२ जनाले काठमाडौँ छोडेका छन्। काठमाडौँ छोडेर बाहिर जानेको संख्या शुक्रबार र शनिबार एक लाख भन्दा बढी छ।यस्तै काठमाडौँ भित्रिनेको सङ्ख्या पनि झण्डै ६ लाख रहेको प्रहरीले जनाएको छ।
चैत ५ गते ९८ हजार मानिसहरु काठमाडौँ आएकोमा चैत ६ गते ८३ हजार र ७ गते ६३ हजार मानिसहरु काठमाडौँ भित्रिएका छन्।यसरी सर्वसाधारणहरु बाहिरिन थालेपछि काठमाडौं पनि सुनसान जस्तै बनेको छ । बिना काममा मानिसहरु घर बाहिर निस्कन पनि छोडेका छन् ।
प्रतिक्रिया दिनुहोस
सफल खबर संवाददाता
शनिबार, ०८ चैत्र २०७६, १८ : ५३
लेखकबाट थप
सम्बन्धित समाचारहरु
कतारका राजाको स्वागतमा सिँगारियो काठमाडौं (तस्वीरहरू)
डढेलो नियन्त्रण नभए काठमाडौंको वायु प्रदूषण अझै बढ्ने
विश्वकै वायु प्रदूषणको पहिलो सूचीमा नेपाल
काठमाडौंका विद्यालयले तोकेकै ठाउँमा मात्रै पुस्तक र पोसाक किनाउन नपाउने
हेटौंडा-चखेल- काठमाडौं सडक १६ दिनको लागि बन्द
काठमाडौँका सडकमा १ हजार २६ वटा स्मार्ट लाइट जडान