३६ जनामा देखियो डेंगी, सजग रहन आग्रह

काठमाडौँ । गर्मीयाम सुरू भएसँगै डेंगी रोग फैलिएको भन्दै सरकारले सतर्क रहन आग्रह गरेको छ। इपिडिमीयोलोजी तथा रोग नियन्त्रण महाशाखाका अनुसार गत दुई महिनामा देशभर ३६ जनामा डेंगी देखिएको छ।

प्रदेश नम्बर १ मा ६ जना, बागमती प्रदेशमा ९ जना, गण्डकी प्रदेशमा ५ जना, प्रदेश नम्बर ५ मा १४ जना र सुदुरपश्चिम प्रदेशमा २ जनामा डेंगी देखिएको हो। अब सबैले कोरोनासँगै डेंगीसँग पनि सर्तक रहनुपर्ने चिकित्सकहरुले जनाएका छन् ।डेंगीबाट बच्न सरसफाइमा ध्यान दिने, पानी जमेको खाल्डाखुल्डी पुर्ने र झुलको प्रयोग गर्ने हो । 

टेकु सरुवा रोग अस्तपतालले डेंगी अरू भाइरसजस्तो खतरा नभएकोले यसबाट आत्तिहाल्नु पर्ने अवस्था भने नरहेको बताउँछन्। आर्थिक वर्ष २०७५\०७६ मा तीन हजार चार सय जनामा डेंगी संक्रमण देखिएको थियो।