कोरोनाको प्रकोपबारे बाबुरामको ट्विट– परीक्षा केही हप्ता पर सार्दा कुन आकाश खस्छ ?

काठमाडौं । समाजवादी पार्टीका संघीय परिषद् अध्यक्ष एवं पूर्वप्रधानमन्त्री डा बाबुराम भट्टराईले कोरोना प्रकोप विश्वभरि फैलिरहेको अवस्थामा नेपाल सरकारले यसमा लापरबाही गरेको भन्दै असन्तुष्टि जनाएका छन् । उनले स्कुल बन्द गर्न र चलिरहेको परीक्षासमेत तत्कल रोक्न सरकारलाई सुझाव दिएका छन् । 

उनले कोरोना भाइरसको प्रकोप विश्वभर फैलिरहेको र खुला सीमाना भएको छिमेकी भारतमा समेत तीव्र रुपमा फैलिँदा नेपालतर्फ स्कुल कलेज बन्द नगरेर सरकारले लापरवाही गरेको आरोप लगाएको छ । 

भट्टराईले शनिबार ट्वीटरमा लेखेका छन्, ‘कोरोनाभइरसको प्रकोप विश्वभरि फैलिरहेको र खुला सीमाना भएको भारतमा झन् तीब्र रूपमा फैलिरहेको स्थितिमा हामीले चाहिं स्कूल केही दिन हप्ता बन्द गर्न किन हेलचक्र्याइँ गरेको हो ? छोराछोरीको जीवन प्रमुख कि परीक्षा ? परीक्षा केही हप्ता पर सार्दा कुन आकाश खस्छ ? सत्ताधारी कमरेडहरूको ध्यान जाला ?