नयाँ उद्यम गर्नेलाई ५० लाखसम्म अनुदान

काठमाडौं । नयाँ उद्यम गर्नेलाई सरकारले ५० लाखसम्म अनुदान दिने भएको छ । सरकारले नवप्रवर्तन नयाँ प्रविधिको माध्यमबाट कम समय, लागत तथा स्रोतको उपयोग गरी उच्च गुणस्तरको आविष्कार तथा प्रणालीको विकास गर्ने उद्यमीलाई ५० लाख रुपैयाँसम्म अनुदान दिन लागेको हो । 

आर्थिक वर्ष २०७६\७७ को बजेटमा उल्लेख गरेको कार्यक्रम कार्यान्वयनका लागि कार्यविधि तयार पारेको छ । कार्यविधि अनुसार नवप्रर्वतनको काम गर्न चाहने व्यक्ति र व्यवसायीले कूल लागतको ५० प्रतिशतसम्म सरकारबाट अनुदान पाउने भएको छ । त्यस्तो अनुदान अधिकतम् ५० लाख रुपैयाँसम्म हुने कार्यविधिले उल्लेख गरेको छ ।