४२ लाख घुस लिएको आरोपमा वकिल पक्राउ

काठमाडौँ । थुनामा रहेको व्यक्ति छुटाइदिने भन्दै ४२ लाख घुस लिएको आरोपमा प्रहरीले अधिवक्ता टंक रानामगरलाई पक्राउ गरेको छ । 

महानगरीय अपराध महाशाखाको टोलीले शुक्रबार रानामगरलाई बबरमहलबाट पक्राउ गरेको हो। प्रहरीका अनुसार रानाको माइतीघरमा जनन्यायिक कानुनी सेवा नामक ल फर्म छ।

राजश्व चुहावट प्रकरणमा थुनामा रहेका राकेश दाहाललाई छुटाइदिने भन्दै उनले ४२ लाख घुस लिएको पत्ता लागेपछि पक्राउ गरिएको महानगरीय अपराध महाशाखाले जनाएको छ ।