पर्सा । नक्कली घिउ उत्पादन तथा बिक्री बितरण गरेको अभियोगमा बीरगंज महानगरपालिका-१५ लक्ष्मणवा ब्रहमचोकबाट ३ जनालाई आइतबार दिउँसो प्रहरीले पक्राउ गरेको छ ।
पक्राउ पर्नेहरुमा सोही ठाउँ बस्ने ३३ वर्षीय अनिल श्रेष्ठ, ३७ वर्षीय रमेश श्रेष्ठ र भारत विहार मोतिहारी बस्ने २५ वर्षीय राम विलास यादव रहेका छन् ।
_20231127105311.gif)
सोही ठाउँमा अनिलले संचालन गरेको सिद्धिबिनायक पूजा सामाग्री प्रोडक्टस उद्योगमा रसायन मिसावट गरी पूजा, दुर्गा र गोकुल शुद्द घिउको स्टिकर लगाई नक्कली घ्यु उत्पादन तथा बिक्री बितरण गरिरहेको भन्ने सूचनाको आधारमा जिल्ला प्रहरी कार्यालय पर्साबाट खटिएको प्रहरीले उनीहरुलाई पक्राउ गरेको हो ।
उक्त उद्योगबाट प्रहरीले पुजा, दुर्गा र गोकुल नाम गरेको व्राण्डको ५२ कार्टुन घ्यु, डाल्टा घिउ २९ कार्टुन तथा सो बनाउन प्रयोग हुने रसायन र भाँडाकुँडा र लेवलिङ गर्न प्रयोग हुने बिभिन्न ब्राण्डको स्टिकरहरु समेत बरामद गरी यस सम्बन्धमा थप अनुसन्धान गरिरहेको छ ।
प्रतिक्रिया दिनुहोस
सफल खबर संवाददाता
सोमबार, ०७ पुस २०७६, १५ : १५
लेखकबाट थप
सम्बन्धित समाचारहरु
सधैं तातो घिउ मात्रै खानुहोस् : चिसोले पाचन प्रणालीलाई हानी गर्छ'