धनुषामा ट्राफिक प्रहरी घुससहित पक्राउ

धनुषा । धनुषामा एक ट्राफिक प्रहरी रङ्गेहात घुससहित पक्राउ परेका छन् ।
सोमबार क्षिरेश्वरनाथ नगरपालिकाबाट अख्तियार दुरुपयोग अनुसन्धान आयोग बर्दिवासको टोलीले ट्राफिक प्रहरीका सहायक प्रहरी निरीक्षक नविनकुमार झालाई एक हजार रुपैयाँ घुससहित पक्राउ गरेको थियो ।
अख्तियारको टोलीले उनलाई नियन्त्रणमा लिएको छ । 
सहायक प्रहरी निरीक्षक झालाई नियन्त्रणमा लिएर थप अनुसन्धान भइरहेको अख्तियार आयोगले जनाएको छ ।