प्रहरीलाई ५० हजार घुस दिन खोज्ने महिला पक्राउ

काठमाडौँ । प्रहरीलाई ५० हजार घुस दिन खोज्ने एक होटल सञ्चालिकालाई प्रहरीले पक्राउ गरेको छ । महानगरीय प्रहरी वृत्त महाराजगञ्जवाट खटिएको प्रहरीलाई दिन खोज्ने उदयपुरगढी गाउँपालिका ८ घर भई हाल टोखा बस्ने ४० वर्षीया सोम माया राईलाई पक्राउ गरेको हो ।

टोखा नगरपालिका ५ बसुन्धरा स्थित आगमन फुडलेन्ड एन्ड गेस्ट हाउसमा अवैध गतिविधि हुने सूचनाको आधारमा छापा मार्न पुगेको प्रहरी टोलीलाई उनले घुस दिन खोजेकी थिइन् । महानगरीय प्रहरी वृत्त महाराजगन्जका डिएसपी उमेश लम्सालले प्रहरी टोलीलाई नगद ५० हजार घुस दिन खोजेपछि उनलाई पक्राउ गरिएको बताए ।

उनलाई कानुनी कारवाहीको लागि अख्तियार दुरुपयोग अनुसन्धान आयोगमा पठाइएको लम्सालले बताए ।