प्रदेश २ का मुख्यमन्त्री राउत किन पुगे अमेरिका ?

काठमाडौं । नेपालका लागि अमेरिकी राजदुत ¥यान्डी बेरीलाई रात्री भोज दिदै प्रदेश २ का मुख्यमन्त्री लालबाबु राउत अमेरिका पुगेका छन् । मुख्यमन्त्री भएपछि विदेश कतै ननिस्किएका राउत यो पटक भने एक साता लामो भ्रमणका लागि अमेरिका पुगेका हुन् ।
गत वर्ष पनि अमेरिका जान खोज्दा उनको भ्रमणलाई केन्द्र सरकारले रोक लगाईदिएको थियो । त्यसयता उनी कही कतै पनि विदेश भ्रमणमा निस्केका थिएनन ।यो पटक भने उनको अमेरिका भ्रमणलाई सरकारले अनुमति दिएको थियो । गत सोमबार जनकपुरमै रहेको आफनो सरकारी निवास मधेस भवनमा नेपालका लागि अमेरिकी राजदुत वेरीलाई बोलाएर उनले रात्री भोज दिएका थिए । अघिल्लो रात रात्री भोज दिएका मुख्यमन्त्री राउत भोलिपल्टै अमेरिका भ्रमणका लागि जनकपुरबाट हिडेका थिए ।
उनी प्रदेश २ कै मुख्य न्यायधिवक्ता दीपेन्द्र झालाई साथमा लिएर अमेरिका उडेका हुन् । भोली वुधबार मात्रै उनी स्वदेश फर्किने कार्यक्रम रहेको उनको नीजि सचिवालयले जनाएको छ । गत वर्ष अमेरिका भ्रमणमा जान लाग्दा सरकारले उनको भ्रमणलाई रोक लगाईदिएको थियो । मधेसी एसोसिएसन अफ अमेरिकाको निमन्त्रणमा त्यसबेला उनी अमेरिका जाने तयारीमा थिए । अहिले संयोग यस्तो परेको छ की, गत वर्षको मंसिरमै अमेरिका उड्न रोकिएका मुख्यमन्त्री राउत यसवर्ष पनि मंसिरमै अमेरिका उडेका छन् ।
अहिले उनी अमेरिकन मोक तराई एसोसिएसन (आनटा)को निमन्त्रणामा अमेरिका पुगेका हुन् । त्यहाँ पुगेर उनले सिकागोमा आनटाको पाचौं साधारण सभालाई शनिवार सम्बोधन गरेका थिए । आनटा अमेरिकमा बस्ने नेपालका मधेसी तराईवासीको सस्था हो । यही कार्यक्रममा छुटै रुपमा मुस्लिम आयोगका अध्यक्ष सलिम अन्सारी पनि सहभागी थिए ।
राउतले अन्य प्रदेशका मुख्यमन्त्री विदेश भ्रमणमा पटके जसरी धेरै पटक जादा समेत केन्द्र सरकारले वास्ता नगरेको र  आफुलाई गिद्दे नजरले हेर्ने गरेको भन्दै सार्वजनिक असंतुष्टि जनाईरहेका थिए । यसपटक उनको भ्रमणका विषयमा सरकारले कुनै रोकतोक नलगाई अनुमति दिएको थियो । त्यसबेला मधेस स्वतन्त्र हुनुपर्ने माग गदै विखन्डनको नारा लगाईरहेका सिके राउत निकट संस्थाले मुख्यमन्त्री राउतलाई निम्तो गरेकोले रोक लगाएको सरकारको भनाई थियो । अहिले राउत समेत विखन्डनको नारा छोडेर मुलधारको राजनीतिमा प्रवेश गरिसकेका छन् ।