Safal Khabar - रुपान्तरणका लागि नमूना विद्यालयको अवधारणा अघि सारिएको छ : शिक्षामन्त्री पोखरेल
आइतबार, १२ जेठ २०७६ (Sunday, 26 May, 2019)
रुपान्तरणका लागि नमूना विद्यालयको अवधारणा अघि सारिएको छ : शिक्षामन्त्री पोखरेल
आइतबार, २९ बैशाख २०७६, १२ : ४५
रुपान्तरणका लागि नमूना विद्यालयको अवधारणा अघि सारिएको छ  : शिक्षामन्त्री पोखरेल

सुरुङ्गा । विज्ञान, प्रविधि तथा शिक्षामन्त्री गिरिराजमणि  पोखरेलले सामुदायिक विद्यालयको रुपान्तरणका लागि नमूना विद्यालयको अवधारणा अघि सारिएको बताउनुभएको छ । उहाँले सामुदायिक विद्यालयको रुपान्तरणको दशक शुरु भएको बताउँदै शिक्षालाई विज्ञान र प्रविधिसँग जोड्न सरकार लागि परेको स्पष्ट पार्नुभयो ।

आज विर्तामोड–५ मा महेन्द्ररत्न माविको नमूना विद्यालयको शिलान्यास गर्दै मन्त्री पोखरेलले शिक्षामा छलफल, सुधार र क्रान्तिको आवश्यकता औंल्याउनुभयो । ‘‘नमूना विद्यालयको मूल उद्देश्यलाई आत्मसात गर्न जरुरी छ’’ उहाँले भन्नुभयो, “सार्वजनिक शिक्षाले वर्गको अन्त्य गर्नु पर्छ ।”

 देश कता जाने त्यसको फैसला सार्वजनिक शिक्षाले गर्ने बताउनुभएका मन्त्री पोखरेलले सामुदायिक विद्यालयलाई आशा र भरोसाको केन्द्र बनाउन नमूना विद्यालयको अवधारणा अघि सारिएको उहाँले दोहो¥याउनुभयो । 

सामुदायिक विद्यालयको रुपान्तरणका लागि नमूना विद्यालयको भौतिक संरचना गौण भएको उल्लेख गर्दै मन्त्री पोखरेलले शिक्षण सिकाइले नमूना हुनुप¥यो शिक्षालाई पैसा कमाउने उद्योगका रुपमा बुझ्ने गलत चिन्तन अन्त्य हुनुपर्ने उहाँको तर्क छ । 

‘विद्यालयले नै शिक्षामा विभेद गरेको छ , अब त्यसको अन्त्य गर्नुपर्छ’ उहाँले भन्नुभयो,“अङ्ग्रेजी पढाउने लोभमा विद्यार्थीलाई बिगार्ने काम भएको छ सबै विद्यालयमा नेपाली विषय पनि पढाइ हुनुपर्छ ।” 

अङ्ग्रेजी पढ्न जानेका भरमा सबै युवा युरोप र अमेरिका पुगेका छन् त्यस्तो परम्पराको अन्त्य हुनुपर्छ मन्त्री पोखरेलले भन्नुभयो,“अङ्ग्रेजी जानेका भनिएका सबै युवा विदेश जाने र उतै पलायन हुने हो भने देश कसरी समृद्धिको बाटोमा जान्छ” उहाँले प्रतिप्रश्न गर्नुभयो । मन्त्री पोखरेलले सिकाइ भनेको पढ्नु मात्र होइन खेलेर पनि नाम राख्न सकिन्छ भन्ने प्रमाणित भइसकेको बताउँदै विद्यार्थीले जे विषयमा अध्ययन गर्न चाहन्छ  सोही विषयको शिक्षा दिन जरुरी रहेको बताउनुभयो ।(रासस) 

प्रतिक्रिया दिनुहोस