‘जनताप्रति सिंगो रास्वपाको राजनीतिक बेइमानी हो’: रक्षा बम

काठमाडौँ । प्रधानमन्त्री बालेन शाहले अतिक्रमित सुकुम्वासी बस्तीहरू खाली गर्न सुरक्षा निकायका प्रमुखहरूलाई दिएको निर्देशनप्रति जेन जेड अगुवा रक्षा बमले विरोध जनाएकी छिन् ।

बुधबार सुरक्षा निकायका प्रमुखहरूलाई बोलाएर सुकुम्वासी बस्ती खाली गर्न निर्देशन दिएका प्रधानमन्त्री शाहको निर्णयप्रति प्रतिक्रिया जनाउँदै रक्षा बमले सामाजिक सञ्जाल फेसबुकमार्फत असन्तुष्टि व्यक्त गरेकी हुन् । 

उनले सामाजिक सञ्जाल फेसबुकमार्फत लेखेकी छिन्, “बालेन, तपाईंले जानेकै यत्ति हो? यदि यस्तै हो भने, यो तपाईंको अपरिपक्वता मात्र होइन, जनताप्रति सिंगो रास्वपाको राजनीतिक बेइमानी हो ।”