महिला मन्त्री श्रेष्ठद्वारा १०० दिनको कार्यप्रगति सार्वजनिक

काठमाडौँ । महिला, बालबालिका तथा ज्येष्ठ नागरिक मन्त्री श्रद्धा श्रेष्ठले १०० दिनको कार्यकालमा सम्पन्न गतिविधि तथा प्रगति विवरण सार्वजनिक गरेकी छन्।

मन्त्री श्रेष्ठले मङ्सिर २६ गतेदेखि चैत ८ गतेसम्मको अवधिलाई समेट्दै उक्त विवरण सार्वजनिक गरेकी हुन्। प्रस्तुत प्रतिवेदनमा मन्त्रालयले करिब तीन महिनाको अवधिमा नीतिगत सुधार, संस्थागत क्षमता अभिवृद्धि तथा सेवा प्रवाहमा सुधारका विभिन्न पहल अघि बढाइएको उल्लेख गरिएको छ।

प्रतिवेदन अनुसार समावेशी शासन प्रवर्द्धन, लैंगीक समानता र सामाजिक न्यायसँग सम्बन्धित क्षेत्रमा मन्त्रालयले प्राथमिकताका साथ काम अघि बढाएको देखिन्छ। साथै, सार्वजनिक सेवा प्रवाहलाई प्रभावकारी बनाउने, लक्षित समूहमा आधारित कार्यक्रम विस्तार गर्ने तथा अनुगमन र मूल्यांकन प्रणाली सुदृढ गर्ने कार्यहरूमा पनि जोड दिइएको छ।