‘लोकप्रिय छौं भनेको नेताको मात्रै प्रिय भइएछ’ : गोकुल बास्कोटा

काठमाडौँ । नेकपा एमालेका नेता गोकुल बास्कोटाले पार्टीलाई समयमै सुधारेन भने डाइनोसर बन्न सकिने बताएका छन् । 

प्रतिनिधि सभा निर्वाचनमा पार्टीले नराम्रोसँग पराजय भोगेपछि उनले यस्तो प्रतिक्रिया दिएका हुन् । 

फेसबुकमा उनले लेखेका छन्, ‘लोकप्रिय छौं भनेको नेताको मात्रै प्रिय भइएछ।समयले सुधारेन भने डाईनोसर बनिएला क्यार्नु त ?’ लोकप्रिय छौं भनेको नेताको मात्रै प्रिय भइएछ भनेर पार्टीका शीर्ष नेताप्रति टिप्पणी गरेका छन् ।

उनले लेखेका छन्, ‘नोष्टालजिक हुने गरी पार्टी जीवनका उकाली ओरालीको फ्ल्यास ब्याक पल्टाउन तयार हुनासाथ रि–भिजन,रि–थिङ्क,रि–स्ट्रक्चरिङ र रिनोभेट सामान्य रूपमै भइहाल्छ । पिरामिड थियो, फुली थप्न सोली बनायौं ।’