निर्वाचनको सम्पूर्ण तयारीबारे जानकारी दिन निर्वाचन आयोगले पत्रकार सम्मेलन गर्दै

काठमाडौँ। निर्वाचन आयोगले भोलि फागुन २१ गते हुन गइरहेको प्रतिनिधि सभा सदस्य निर्वाचनको सम्पूर्ण तयारीबारे जानकारी दिन आज पत्रकार सम्मेलन आयोजना गर्ने भएको छ।

आयोगका अनुसार मतदानका लागि आवश्यक सम्पूर्ण तयारी पूरा भएको सन्देश दिन कार्यवाहक प्रमुख निर्वाचन आयुक्त रामप्रसाद भण्डारीले विशेष सम्बोधन गर्ने कार्यक्रम रहेको छ।

पत्रकार सम्मेलन आयोगको मिडिया सेन्टर हलमा केही बेरमै सुरु हुने जनाइएको छ। निर्वाचनको तयारी, सुरक्षात्मक व्यवस्थापन, मतदान केन्द्रको अवस्था तथा आवश्यक प्रशासनिक प्रबन्धबारे विस्तृत जानकारी पत्रकार सम्मेलनमार्फत सार्वजनिक गरिने आयोगले जनाएको छ।