रुपन्देहीमा रवि लामिछाने, आज कहाँ–कहाँ गर्दैछन् चुनावी कार्यक्रम ?

रुपन्देही । राष्ट्रिय स्वतन्त्र पार्टीका सभापति रवि लामिछानेले सोमबार रुपन्देहीका विभिन्न स्थानमा जनसम्पर्क तथा ‘घण्टी अभिवादन’ कार्यक्रम गर्ने भएका छन्। पार्टीले सार्वजनिक गरेको कार्यतालिका अनुसार बिहानदेखि साँझसम्म जिल्लाका विभिन्न नगरपालिका र गाउँपालिकामा कार्यक्रम तय गरिएको छ।

कार्यक्रमअन्तर्गत बिहान ८:०० बजे देवदहको खैरेनीबाट जनसम्पर्क सुरु हुनेछ। त्यसपछि ८:३० बजे देवदह–६ देकेवार, ९:०० बजे शंकरपुर र ९:३० बजे ओमसतिया गाउँपालिकाको मझौलीमा कार्यक्रम हुनेछ। त्यसैगरी १०:३० बजे रोहिणी गाउँपालिकाको धकधही, ११:०० बजे भैरहवाको बुद्धचोक र ११:१५ बजे मिलनचोकमा कार्यक्रम तय गरिएको छ।

दिउँसो १२:१५ बजे सिद्धार्थनगरको किशोरपुर, १:०० बजे कोटहीमाई र १:१५ बजे मर्चवारीमाईमा जनसम्पर्क कार्यक्रम हुनेछ। त्यसपछि २:०० बजे मायादेवी गाउँपालिकाको पर्सहवा, २:१५ बजे सियारी गाउँपालिका छपिया चोक, २:३० बजे शुद्धोदन गाउँपालिकाको मानपकडी मन्दिर र २:४५ बजे फर्साटिकरमा कार्यक्रम राखिएको छ।

३:०० बजे बुटवलको मोतिपुर चोक, ३:१५ बजे योगीकुटी चोक, ३:३० बजे हस्पिटल लाइन र ३:४० बजे नयाँ गाउँ चोकमा कार्यक्रम तय गरिएको छ ।त्यसपछि ४:०० बजे सैनामैनाको रानीबगिया र ४:१५ बजे कलौनी–सालझण्डीमा जनसम्पर्क कार्यक्रम हुनेछ। कञ्चनपुर गाउँपालिकामा ४:३० बजे गरगरे र ४:५० बजे थकाली चोकमा कार्यक्रम राखिएको छ।

साँझतिर ५:०० बजे हरैया (कञ्चनपुर गाउँपालिका), ५:२० बजे गैडहवाको लुन्डिया, ६:०० बजे लुम्बिनीको पर्सा चोक र ६:१५ बजे मायादेवी मन्दिर (बुद्ध जन्मस्थल) क्षेत्रमा कार्यक्रम तय गरिएको पार्टीले जनाएको छ।