एमालेले थाल्यो आक्रामक चुनावी परिचालन निति

काठमाडौं । नेकपा एमालेले आसन्न प्रतिनिधिसभा चुनाव लक्षित गरेर कार्यकर्ता परिचालनको आक्रामक निति बनाएको छ । गत भदौं २३ र २४ को जेनजी आन्दोलनपछि एमालेका नेता– कार्यकर्ता नै खुलेर उच्च मनोबलका साथ चुनावी प्रचारमा जुट्न नसकिरेको देखेपछि एमालेले संगठित सदस्यको मनोबल बढाउने र आक्रामक परिचालनमा लगाउन रणनीति बदलेको हो । 

त्यसका लागि उसले पार्टीको सम्पूर्ण संगठित सदस्यलाई निर्वाचनमा परिचालन गराउन विशेष कार्ययोजना नै बनाएको छ । कांग्रेस एमालेको गठबन्धन गरेर सरकारको नेतृत्व गरिरहँदा समेत सेनाको हेलिकप्टर चढेर नेतृत्व नै भाग्नुपर्ने अवस्था, पार्टीमा एघारौं महाधिवेशनमा एकपक्षिय नेतृत्व र पार्टीभित्र अध्यक्ष केपी ओलीले फरक मत राख्नेलाई निषेधको राजनीति गरेको आरोप लागिरहेका बेला कार्यकर्तालाई एकताबद्द गराउने र परिचालन गर्ने गरी उसले चुनावी कार्ययोजना बनाएको हो । 

एमालेले चुनावमा पार्टीका सम्पूर्ण संगठित सदस्य सक्रिय परिचालन निति बनाउन चाहेको छ । एमालेको झण्डै साँढे ६ लाख संगठित सदस्यको अभिलेख केन्द्रीय कार्यालयसँग छ । त्यसरी संगठित भएका सदस्यलाई पार्टी अध्यक्ष केपी ओली र केन्द्रीय कार्यालयसँग प्रत्यक्ष सम्र्पकमा रहेको देखाउन र भावनात्मक रुपमा नै पार्टीसँग जोडिएको गहिरो सन्देश कार्यकर्ता तहमा पुरयाउने कार्ययोजना एमालेले तय गरेको हो । 

संगठित नेता कार्यकर्ता चुनावमा उम्मेदवार झै परिचालन भएमा पार्टीले नतिजा राम्रो ल्याउन सक्ने एमालेको आंकलन छ । अन्य दलका पार्टी सदस्य भन्दा एमालेको सदस्यहरु संगठित रुपमा आक्रामक हुन सक्ने र सबै संगठित सदस्य परिचालन भएमा परिणाम निकाल्न सकिने बुझाईमा एमाले छ ।

सोही आधारमा झण्डै साँढे ६ लाख पार्टी सदस्यहरुलाई अध्यक्ष केपी ओलीले उनीहरुकै नाममै सम्वोधन गरेर चुनावमा सक्रिय हुन पत्राचार गरिएको छ । त्यस्तै पार्टी केन्द्रीय कार्यालयबाट अध्यक्ष ओलीले तपाईलाई सम्झिरहनु भएको छ है भन्दै संगठित सदस्यहरुलाई टेलिफोन गर्न थालिएको छ । ‘यो हामीले प्रतिनिधिसभाको निर्वाचनलाई लक्षित गर्दै बनाएको आक्रामक प्रचार निति हो,’ एमालेका प्रचार विभागका एक सदस्यले भने । 

केन्द्रीय कार्यालयमा अहिले प्रदेशगत रूपमा समूह विभाजन गरेरै केही नेता कार्यकर्तालाई संगठित सदस्यलाई टेलिफोन गर्ने जिम्मेवारी तोकिएको छ । सोही आधारमा केन्द्रीय कार्यालयमा अहिले झण्डै एक दर्जन बढी कार्यकर्ता विभिन्न समुहमा परिचालन गरेर संगठित सदस्यहरूलाई धमाधम फोन गर्न थालिएको छ । उनीहरूलाई निर्वाचन क्षेत्रको वस्तुस्थिति, आफूले गर्न सक्ने काम र जिम्मेवारीबारे टेलिफोनमा जानकारी लिन थालिएको छ ।  

संगठित सदस्यलाई एमाले मुख्यालयबाट फोन गर्नेले सुरुमा ‘कमरेड, सन्चै हुनुहुन्छ रु के गर्दै हुनुहुन्छ रु’ भनेर इन्क्वाइरी गर्ने गरीएको छ ।  ‘तपाईंको क्षेत्रमा पार्टीको अवस्था कस्तो छ रु कत्तिको चुनावी प्रचारमा हिँडिरहनुभएको छ रु पार्टीलाई जिताउन लागौँ है । अध्यक्ष कमरेडले तपाईंलाई सम्झिरहनुभएको छ नि ।’ संगठित सदस्यहरुलाई केन्द्रीय कार्यालयबाट सोध्न थालिएको छ ।
पार्टीका संगठित सदस्य निर्वाचनमा खटिएको नखटिएको बारेमा तथ्यांक नै संकलन गर्ने गरी एमालेले सो अनुरुप पत्राचार र टेलिफोन गर्ने योजना अगाडी बढाएको हो ।

एमालेले आफनो शक्तिलाई भर गर्ने, मतदातासमक्ष सिधा पहुँच पुरयाउने, नेतृत्व र कार्यकर्ताको दुरी घटाउने, अन्य प्रतिस्पर्धी दललाई मनोवैज्ञानिक दवावमा राख्ने र अन्तर्घात र असन्तुष्टि नियन्त्रणको प्रयास गर्ने उदेश्यका साथ अध्यक्षबाटै संगठित सदस्यलाई पत्राचार र केन्द्रीय कार्यालयबाट सिधै फोन गर्ने रणनीति लिइएको एमालेका एक पदाधिकारीले बताए । 

‘एमालेको मुख्य शक्ति मानिने संगठित सदस्यता लामो समयपछि प्रत्यक्ष परिचालनमा आउँदा संगठन चलायमान हुने र  यसले निष्क्रिय बनेका कार्यकर्ता पनि सक्रिय हुन प्रेरित गर्ने भएकोले यो शक्तिलाई नै बढी परिचालनको नीति बनाउन खोजिएको हो,’ ती नेताले भने । एमालेभित्र अध्यक्ष ओलीले जे बोलेपनि अरुले त्यसलाई ताली मात्रै बजाईदिनुपर्ने राजनीतिक सस्कार विकास हुादै गएको देखिन्छ । जसले नेता कार्यकर्ताहरु क्रमशः असन्तुष्ट बनन थालेको र निष्क्रिय बस्न थालेपछि उसले आफ्नै संगठित सदस्यमाथी भर परेर सक्रिय परिचालन गराउन चाहेको हो । 

एमालेमा जस्तो संगठित सदस्यहरुको ब्यवस्थित डाटा, परिचालन निति अन्य राजनीतिक दलले बनाउन सकेका छैनन । देशभर साढे ६ लाख कार्यकर्ता उम्मेदवार झै अबको एक महिना परिचालन गर्न सकिए त्यसले पार्टीलाई बलियो बनाउने बुझाईमा एमाले छ । एक सदस्य बराबर ४ जना मतदाता प्रभावित पार्न सकेपनि झण्डै २७ लाख मत बढाउन सकिने उसको बुझाई छ । त्यसले पार्टीलाई फेरि पनि समानुपातिक तर्फ पहलिो दल बनाउन योगदान गर्न सक्ने हिसाव एमालेको छ ।