‘पार्टीभित्रको संघर्षमा प्रतिस्पर्धी हौँ तर अन्य दलहरूसँग एमाले एक छ’ : योगेश भट्टराई

काठमाडौँ । एमालेका उपमहासचिव योगेश भट्टराईले आफूलाई विवादको पात्रका रूपमा खडा गर्न खोजिएको बताएका छन् । 

आज एक कार्यक्रममा बोल्दै उनले तर आफूबाट त्यस्तो अपेक्षा नगर्न आग्रह गरे । 

पार्टीभित्रको संघर्षमा प्रतिस्पर्धी भएपनि अन्य दलहरूसँगको प्रतिस्पर्धामा एमाले एक भएको उनले बताए । फागुन २१ गते हुने निर्वाचनमा एमाले एक ढिक्का भएर लड्ने उनको भनाई छ ।

‘कतिपय मानिसहरूले एमालेमा विमति खडा गर्ने कोसिस गरिरहेका छन् । त्यसको एउटा पात्र मलाई बनाउँछन् ओलीविरुद्ध केही बोल्छ कि भनेर खोज्दै हिँड्छन्,’ उनले भने, ‘पार्टीभित्रको संघर्षमा हामी प्रतिस्पर्धी हौँ । तर, अन्य दलहरूसँगको प्रतिस्पर्धामा एमाले एक छ ।’