निर्वाचन नेपालको राष्ट्रिय आवश्यकता बनेको छ: प्रचण्ड

काठमाडौँ । नेपाली कम्युनिस्ट पार्टी (नेकपा) संयोजक पुष्पकमल दाहाल ‘प्रचण्ड’ले अहिलेको नेपालको राष्ट्रिय आवश्यकता निर्वाचन भएको बताएका छन् ।

शनिबार काठमाडौँमा आयोजित एकता सन्देश सभालाई सम्बोधन गदै ‘प्रचण्ड’ले भने, ‘निर्वाचन अहिले नेपालको राष्ट्रिय आवश्यकता बनेको छ । अब निर्वाचनको विकल्प छैन ।’ उनले फागुन २१ गतेका लागि तोकिएको निर्वाचन सफल पार्न एकजुट हुनुपर्नेमा जोड दिएका छन् । अब अरु विकल्पमा जाँदा जोखिम हुने भन्दै उनले निर्वाचनको विकल्पमा जानुको विकल्प नभएकोमा उनको जोड छ । पूर्ण रूपले निर्वाचन सम्पन्न होस् भन्ने कामना गरे। ‘प्रचण्ड’ले नेकपाको शक्तिलाई जिस्क्याउने काम नगर्न चेतावनीसमेत दिए ।

उनले जेन जेडको अभिभावक नेकपा भएको भन्दै जेन जेडका प्रतिनिधि हामी हौँ भनेर स्टन्ट नगर्नसमेत चेतावनी दिए ।