लुम्बिनीलाई जितका लागि पोखराले दियो १५१ रनको लक्ष्य

काठमाडौ । सिद्धार्थ बैंक नेपाल प्रिमियर लिग (एनपीएल) अन्तर्गत जारी खेलमा एडम रोसिङटन र जिम्मी निसमको अर्धशतक सहयोगमा पोखरा एभेन्जर्सले लुम्बिनी लायन्ससामु जितका लागि १ सय ५१ रनको लक्ष्य प्रस्तुत गरेको छ। 

कीर्तिपुरस्थित त्रिवि क्रिकेट मैदानमा लुम्बिनीले टस जितेर फिल्डिङ रोेजपछि ब्याटिङ गरेको पोखराले निर्धारित २० ओभरमा ५ विकेटको क्षतिमा १ सय ५० रनको योगफल तयार पारेको हो। पाचौँ विकेटका लागि एडम रोसिङटोन र जिम्मी निसमले ९२ रनको साझेदारी गरे। 

६३ बलमा ७ चौका र ५ छक्का सहयोगमा ८१ रन बनाउँदा एडम क्याच आउट भए। एडमले ५२ बलमा ५ चौका र २ छक्का प्रहार गर्दै अर्धशतक पूरा गरे। 

जिम्मी निसम ५१ र किरण ठगुन्ना १ रनमा अविजित रहे। जिम्मीले ३२ बलमा ३ चौका र ३ छक्का प्रहार गरे। ओपनर दिनेश खरेल ७ रन बनाउँदा शेर मल्लको बलमा रोहित पौडेलको हातबाट क्यात आउट भए।

कप्तान कुशल भुर्तेल गोल्डेन डकआउट भए। कुशल लगातार दुई खेलमा गोल्डेन डडआउट भएका हुन्।