आजदेखि सातै प्रदेशमा नेकपाको सन्देश सभा, कहाँ–कहिले ?

काठमाडौ । बृहत कम्युनिष्ट एकीकरणपछि गठित नेपाली कम्युनिष्ट पार्टी (नेकपा)ले सातै प्रदेशमा एकता सन्देश सभा सुरु गरेको छ। जसअनुसार पार्टीका संयोजक पुष्पकमल दाहाल ‘प्रचण्ड’ र सह–संयोजक माधवकुमार नेपालसहितका नेताहरु शुक्रबार धनगढी पुगेका छन् । 

जहाँ शुक्रबार सन्देश सभा आयोजना गरिएको छ । उक्त सभापछि अन्य प्रदेशमा क्रमश: हुँदै जानेगरी यसअघि नै नेकपाले तालिका सार्वजनिक गरिसकेको छ ।

तालिका यस्तो रहेको छ :

लुम्बिनी प्रदेश – मंसिर १३ गते, बाँकेको बेउखुरी
गण्डकी प्रदेश – मंसिर १४ गते, पोखरा
कोशी प्रदेश – मंसिर १५ गते, विराटनगर
उपत्यका विशेष प्रदेश – मंसिर १७ गते, काठमाडौं (हल)
कर्णाली प्रदेश – मंसिर १८ गते, सुर्खेत
संघीय सम्पर्क समन्वय प्रदेश – मंसिर १९ गते, काठमाडौं (हल)
मधेश प्रदेश – मंसिर २० गते, जनकपुर
प्रवासी प्रदेशहरू – मंसिर २१ गते, नेपाली समय अनुसार बेलुकी ६ बजे संयुक्त भर्चुअल कार्यक्रम
बागमती प्रदेश – मंसिर २३ गते, हेटौंडा

उक्त पार्टीकाअनुसार मंसिर २६ गतेसम्म प्रदेश कार्यालयको निर्णयअनुसार सबै जिल्लामा एकता सन्देश सभा हुनेछ। मंसिर २९ गते देशभरका सबै स्थानीय पालिकामा एकैदिन सन्देश सभा आयोजना गरिनेछ।