सुदूरपश्चिमले टस जित्यो, पहिला ब्याटिङ गर्दै लुम्बिनी

काठमाडौं । नेपाल प्रिमियर लिग (एनपीएल) सिजन २ को बिहीबारको खेलमा सुदूरपश्चिम रोयल्सविरुद्ध लुम्बिनी लायन्सले पहिला ब्याटिङ गर्ने भएको छ । 

कीतिपुरस्थित त्रिवि अन्तर्राष्ट्रिय क्रिकेट मैदानमा टस हारेर लुम्बिनीले पहिला ब्याटिङको निम्तो पाएको हो ।

यस खेलमा सुदूरपश्चिम लगातार चौथो जित निकाल्न लक्ष्यमा छ । यस टिमले अघिल्ला तीन खेलमा शतप्रतिशत जित निकालेको छ । यसले कर्णाली याक्स, पोखरा एभेन्जर्स र काठमाडौं गोर्खाजलाई पराजित गरेको छ । 

लुम्बिनीले भने दोस्रो जितको खोजीमा छ । यस टिमले अघिल्ला तीन खेलमा काठमाडौं गोर्खाज र कर्णाली याक्स हारेको छ भने चितवन राइनोजसँग जित निकालेको छ ।