पूर्वसभामुख महराको थुनछेक बहस आजदेखि

काठमाडौ । पूर्वसभामुख तथा माओवादी केन्द्रका उपाध्यक्ष कृष्णबहादुर महराको थुनछेक बहस आज (बुधबार)देखि सुरु हुँदैछ।

महराविरुद्ध चिनियाँ नागरिक लि हासोङ्गले इलेक्ट्रोनिक चुरोट ‘भेप’मा लुकाएर ल्याएको सुन तस्करी प्रकरणमा संलग्न भएको आरोप लागेको छ।

सो प्रकरणमा जिल्ला सरकारी वकिलको कार्यालयले महरालाई संगठित अपराध निवारण ऐन र भन्सार ऐन अन्तर्गत मुद्दा दर्ता गर्दै ८ करोड ५५ लाख २८ हजार रुपैयाँ बिगो मागदाबी गरेको छ।

महराको बयान भने मंगलबार काठमाडौं जिल्ला अदालतमा न्यायाधीश हर्कबहादुर क्षेत्रीको इजलासमा लिइएको थियो। बयानका क्रममा उनले भेप प्रकरणमा आफूको कुनै लगानी वा संलग्नता नरहेको दाबी गरेका थिए।

२०७९ पुस १० गते चिनियाँ नागरिक हासोङ्गले भेपका क्याप्सुलभित्र सुन लुकाएर नेपाल भित्र्याएको घटनामा संगठनात्मक संलग्नता देखिएको भन्दै अनुसन्धानपछि सीआईबीले महरालगायतका विरुद्ध मुद्दा दायर गरेको हो।