अर्थमन्त्रीसँग ईयू र युरोपेली मुलुकका राजदूतको संयुक्त भेट

काठमाडौँ। अर्थमन्त्री रामेश्वर खनालसँग युरोपेली युनियन र विभिन्न युरोपेली मुलुकका राजदूतहरूले संयुक्त रूपमा भेटेका छन् ।

नेपालका लागि युरोपियन युनियनका राजदूत भेरोनिक लोरेन्जो, नेपालका लागि जर्मनीका राजदूत उदो युजेन भोल्ज, नेपालका लागि फिनल्याण्डका राजदूत पेट्री पुहाक्का तथा नेपालका लागि फ्रान्स गणतन्त्रका राजदूतावासका प्रतिनिधिले अर्थमन्त्रीसँग संयुक्त भेट गरेका हुन् ।

भेटमा अर्थमन्त्री खनालले युरोपियन युनियन, फ्रान्स, जर्मनी र फिनल्याण्डले नेपालको विकास प्रक्रियामा विगत लामो समयदेखि पुर्याउदै आएको साथ र सहयोगप्रति धन्यवाद व्यक्त गरे ।