जेनजी आन्दोलनमा मृत्यु भएका परिवारलाई कोसी प्रदेश सरकारको एक लाख किरिया खर्च

विराटनगर । जेनजी आन्दोलनपछि पहिलोपटक बसेको कोसी प्रदेश सरकारको बैठकले कोसी प्रदेशभित्रका पाँच लाख रुपैयाँ बराबरका सम्पूर्ण योजना कार्यान्वयन नगर्ने निर्णय गरेको छ ।

बिहीबार बसेको बैठकले आन्दोलनका क्रममा मृत्यु भएकाहरूको निधनमा दुःख व्यक्त गर्दै एक लाख रुपैयाँ किरिया खर्च दिने निर्णय गरेको छ । त्यस्तो रकम आन्दोलनमा लागेकाहरूलाई मात्रै दिने निर्णय भएको आन्तरिक मामिला तथा कानुनमन्त्री रमण भण्डारीले जानकारी दिए । 

भौतिक पूर्वाधारको क्षतिको अध्ययन गर्न कात्तिक ९ गतेसम्मको समय दिएर भौतिक पूर्वाधार मन्त्रालयलाई जिम्मेवारी दिने निर्णय गरिएको भण्डारीले बताए ।