बौद्ध धर्म र लुम्बिनी एक अर्काको पर्याय भएका छन् : उपप्रधानमन्त्री सिंह

काठमाडौँ । उपप्रधानमन्त्री एवं सहरी विकासमन्त्री प्रकाशमान सिंहले लुम्बिनीको संरक्षण र संवर्धनमा सबै लाग्नुपर्ने बताएका छन् । आज काठमाडौँमा सुपोत महास्थवीरलाई विश्व शान्ति विहार तथा नेपाली बौद्ध समुदायको धार्मिक अभिनन्दन कार्यक्रममा बोल्दै उनले यस्तो बताएका हुन् । 

सुपोत महास्थवीरलाई थाइल्यान्ड सरकारले लुम्बिनीमा आएर धार्मिक र सामाजिक योगदानबापत सम्मान गरेको छ । सोही बारेमा नेपाली बौद्ध समुदायले पनि सम्मान गरेको हो । सुपोत महास्थवीरले लुम्बिनीमा आएर धार्मिक र सामाजिक योगदानमा महत्त्वपूर्ण योगदान गरेका सिंहले बताए ।  । 

उपप्रधानमन्त्री सिंहले बौद्ध धर्म र लुम्बिनी एक अर्काको पर्याय भएको पनि बताए ।