कांग्रेस पदाधिकारी बैठकमा रुपन्देही-३ को उपनिर्वाचनबारे छलफल

काठमाडौं । नेपाली कांग्रेसले आजको बैठकमा मन्त्री फेरबदलको विषयमा कुनै छलफल नै नभएको जनाएको छ । सभापति शेरबहादुर देउवा निवास बुढानीलकण्ठमा बसेको पदाधिकारी बैठकपछि सञ्चारकर्मीहरूसँग कुरा गर्दै नेता अर्जुननरसिंह केसीले मन्त्री फेरबदलको विषयमा कुनै कुरा नभएको बताए ।

उनले कात्तिक १७ गते हुने रुपन्देही ३ को उपनिर्वाचनबारे प्रारम्भिक रूपमा छलफल भएको उनले बताए । रुपन्देही ३ मा बालकृष्ण खाणको सम्भावनाबारे उनले भने, ‘नामबारे कुनै चर्चा चलेको छैन । सम्भावना ककसको हुन्छ अहिले भन्न सकिँदैन, उहाँको पनि हुनसक्ला। तर अहिले पार्टीभित्र एकताबद्ध भएर कसरी जाने भन्नेमा केन्द्रित हुनुहुन्छ।’

बैठकमा जिल्ला सभापति, प्रदेश सभापति र नेता खाणले पनि वस्तुस्थितबारे जानकारी गराएको बताए ।