नागरिकलाई पानी दिने कि नदिने ? भन्दै सरकारलाई प्रभु साहको प्रश्न

काठमाडौँ । प्रतिनिधि सभाको बुधबारको बैठकमा मधेशमा पानीको हाहाकार भएको विषय उठेको छ ।

आम जनता पार्टी (आजपा) का अध्यक्ष समेत रहेका सांसद प्रभु साहले नागरिकले पानी(पानी भनिरहेको बताए ।

‘पानी(पानी भन्दाभन्दै मानिसहरू थाकिसके । सुन्नेहरूको कान पाकिसक्यो तर, सरकार सुन्दैन,’ साहले प्रश्न गरे, ‘सरकारले नागरिकलाई खानेपानी दिने हो कि होइन ? दिने हो भने कहिले दिने हो ?’

प्रधानमन्त्री, मन्त्रीहरूले आफ्ना लागि पिउने पानी विदेशबाट आयात गरिरहेको तर नागरिकले नेपालमै भएको पानी पिउन समेत नपाएको बताए ।