चाँडै चीन भ्रमणको सम्भावना छ : राष्ट्रपति ट्रम्प

एजेन्सी ।  अमेरिकी राष्ट्रपति डोनाल्ड ट्रम्पले निकट भविष्यमा नै चीन भ्रमण गर्ने सम्भावना रहेको बताएका छन्। सेप्टेम्बर महिनामा दोस्रो विश्व युद्धको स्मरणमा हुने कार्यक्रममा उपस्थित हुने हो या अन्य कुनै समयमा भन्ने बारे ट्रम्पले केही पनि खुलाएका छैनन्।

सेप्टेम्बरको सो कार्यक्रममा रुसी राष्ट्रपति भ्लाडिमिर पुटिनको पनि उपस्थिति रहने छ। यो वर्षको सुरुवातमा नै ट्रम्प र उनका समकक्षी चिनियाँ राष्ट्रपति सी चिनफिङ बीच भएको फोन वार्तामा एक अर्कालाई आफ्नो देशमा स्वागत गरेका थिए।

केही समयको अन्तरालमा दुई वटा भेटघाटको अवसर छ। सेप्टेम्बर महिनामा दोस्रो विश्व युद्ध भएको ८० वर्षको सम्झनामा बेइजिङमा कार्यक्रम हुनेछ। सो कार्यक्रममा रुसी राष्ट्रपति पुटिन पनि चीन जाने छन्। अक्टोबर महिनाको अन्त्यमा दक्षिण कोरियाले आयोजना गर्ने एपेक सम्मेलनमा उनीहरूको भेट हुने सम्भावना छ।

ओभल अफिसमा फिलिपिन्सका राष्ट्रपति फर्नान्डो मार्कोस जुनियरसँग भएको वार्ताको क्रममा ट्रम्पले सो कुरा बताएका हुन्। ट्रम्पले फिलिपिन्सले दुई मध्य जुन देशसँग राम्रो सम्बन्ध राखे पनि त्यसले आफूलाई कुनै असर नगर्ने बताएका छन्।