गृहमन्त्री बाठो हुनुहुँदो रहेछ, आफू र कमाइ जाेगाउन समिति बनाउनुभएछ: सांसद कार्की

काठमाडौं । राप्रपाकी सांसद रोशन कार्कीले भिजिट भिसा प्रकरणमा जोगिने गरी गृहमन्त्री रमेश लेखकले छानबिन समिति गठन गरेको दाबी गरेको छन्। प्रतिनिधि सभाको बैठकमा बोल्दै नैतिकताको आधारमा राजीनामा दिएर छानबिनलाई सघाउन माग गरिन्।

उनले भनिन्, ‘गृहमन्त्री त सोझो नै हुनुहुन्छ जस्तो लागेको थियो। उहाँ त चम्फु बाटो हुनुहुँदो रहेछ। उहाँले आफू फुत्किन धेरै सजिलो हुने समिति बनाउनुभयो। र कमाइलाई पनि बचाउन सजिलो छ।’

उनले गृहमन्त्रीकै संलग्नतामा नागरिकहरूलाई भिजिट भिसाको आवरणमा बेचेको आरोप लगाइन्।