काठमाडौँ । फिल्म ‘घोस्टेल’ निर्माण घोषणा गरिएको छ । अनन्या फिल्मस्को ब्यानरमा निर्माण हुन लागेको फिल्मको थीम पोस्टर सार्वजनिक गर्दै निर्माण घोषणा गरिएको हो । फिल्म सरोज न्यौपानेले निर्माण गर्न लागेका हुन् ।
सार्वजनिक पोस्टरमा ‘जब त्रासले हाँसो भेट्छ’ लेखिएको छ । जसले यो फिल्म हरर कमेडी जनरामा तयार हुने संकेत गर्छ । सन् २०२६ मा सार्वजनिक प्रदर्शनमा ल्याउने लक्ष्य रहेको फिल्मको ‘कास्ट एण्ड क्रू’बारे निर्माण टिमले केहि जानकारी दिएको छैन ।
न्यौपानेसँग फिल्म निर्माणमा सुयोग गुरुङले सहकार्य गरेका छन् । फिल्मको कथा सुयोग गुरुङको नै हो । ‘जेरी अन टप’ निर्माता न्यौपाने र निर्देशक गुरुङ उक्त फिल्मको छायाङ्कन सकाएसँगै एकसाथ नयाँ फिल्म निर्माणमा जुटेका हुन् ।
फिल्मलाई सुरज सुनुवारले निर्देशन गर्नेछन् । यसअघि ‘षडङ्ग’ फिल्म निर्देशन गरेका सुनुवारको पछिल्लो फिल्म ‘खजुरे ब्रो’ गतवर्ष प्रदर्शनमा आएको थियो ।
प्रतिक्रिया दिनुहोस
सफल खबर संवाददाता
विहीबार, १२ असार २०८२, १२ : ४४
लेखकबाट थप