संसदीय समिति बैठकमा सहभागी भए प्रचण्ड

काठमाडौं। नेकपा (माओवादी केन्द्र)का अध्यक्ष एवं प्रमुख प्रतिपक्षी दलका नेता पुष्पकमल दाहाल प्रचण्ड संसदीय समितिको बैठकमा सहभागी भएका छन् । शीर्ष नेताहरूले संसदीय समितिलाई उपेक्षा गरेको गुनासोबीच प्रचण्ड समिति बैठकमा सहभागी भएका हुन् ।

बुधवार बसेको राज्य व्यवस्था तथा सुशासन समितिको बैठकमा प्रचण्ड उपस्थित भएका हुन् । नेपाल प्रहरीसम्बन्धी कानूनलाई संशोधन गर्न बनेको विधेयकमाथि छलफल गर्ने समितिको कार्यसूची छ । बैठकमा गृहमन्त्री रमेश लेखक, रक्षामन्त्री मानवीर राई पनि सहभागी छन् । 

समिति सभापति रामहरि खतिवडाले निजामती विधेयक टुंगयाएसँगै अब नेपाल प्रहरीसम्बन्धी विधेयकलाई प्राथमिकता साथ अगाडि बढाइएको जानकारी दिए ।